داليا فرهود – بريئة من كل التهم الحمد لها.. |عرب اورج

غريب كيف مكرهتش ليبيا وطلعت منها💔

في المقابلة لما تكلمت عن السفارة العراقية في كم كت صار !

الزوي بيرفكت بكل الحوار راقي بكل برافو❤️

الاسلوب والثقافة تقعد سنين باش تشوف ليبية تحكي زيها

هذا ابتلاء وربي حبك وخصك من بين واجد بنات طريقهن غلط نتمنى انك تعودي حساباتك وتردي رداً جميلاً لربي كلنا فينا عيوب ونذنبو ماحد معصوم من الخطا ولاكن خير الخطائين التوابين والله وجعتيني ربي ينور بصيرتكك ونتمنى انك تقري تعليقي وتكوني اقوى من هك وتراعي ربي في تصرفاتك انتي جواك انسانه طيبه واختصاص ربي لك اكبر دليل 🤍

لفجي فيها وربي يستر عليها وعلي كل وليه يارب.
لكن اني شخصيا متعاطفتش معاها ابدا.
+ سجنها هي وكريمة وبتول في مره وحدة. ؟؟؟؟
ايضا تهمتها لا تصدق بنت صغيرة وتشتغل مودل تتهم بالالحاد حاجة كبيرة هذه متهموهاش حتي لرجالة ولا لبنات السلطانه من الشي اللي يديروا فيه
وكيف تسجن لمدة سنة وشهور بدون دليل.
وبعدين تطلع بريئة شن اللي خلي القانون يعطيها البرائة وهو من الاساس مافيش دليل ثابت علي تهمتها.. قصة غير مفهومة.
+ هي انسانة مستهتره هلبه وقليلة ادب ع السوشل ميديا ومستهتره دينيا وهي عايشه ف ليييا وعارفة الحفاظ الديني في ليبيا.
وطالعه في برنامج قدام الناس بدون ستر لنفسها ولا احترام لراجل اللي قدامها كانت تقدر تلبس شي محترم اكثر..
صحة ليهم ع الجرأة اللي عندها اني لبسه زي هذه مانقدرش نلبسها حتي قدام خوتي
بس مع الأسف حتي السجن ماخلاهاش تخاف ربي ..
وقتلك نقرأ ف قرأن مع التفسير؟؟؟🤦‍♀️

ما صح الله وجهك تنشري في التشييع تحسابي روحك قاعدة في العراق هيا وبتول الزروق الزوز من ملة الشيعة
دايرة روحها خالية قضية
الردع ما يشدو حد من فراغ

حبيبتي داليا ، أول شيء الحمد لله على سلامتك … ❤ وسلامي لوالدتك يلي كانت من أفضل الدكاترة يلي قروني في الفيزياء الطبية ، وبغض النظر كونها دكتورة جامعية ، هي إنسانة شريفة ونبيلة ومحترمة جداً .
نعم هي أزمة صعبة ولها مخلفات نفسية ، بس نبيك تتذكري بأن الله عز وجل هو الوحيد الذي يخرجنا من الظلمات إلى النور ، مهما كانت شدة الظلمات يلي عشناها الله كفيل بأن يخرجنا منها وبأفضل نسخة لينا ، تمسكي بصلاتك ودعائك والقرآن الكريم عيشي بكلمات الله عز وجل في حياتك ، لأن هي الوحيدة يلي حتحييك من جديد .
وننصحك ، لو كانت ليبيا مكان إنها تذكرك بذكريات سيئة حاولو تطلعو منها وتعيشو في بلاد أخرى بناس جدد ومستقبل جديد ، ومش عيب تفكري في هذه الفكرة ، لأن حتى الرسول عليه الصلاة والسلام لما تعرض للأذى هاجر من المكان يلي هو فيه ، فأرجوك إهتمي بنفسيتك ووفري لها كل سبل الراحة ، وردي بالك تفكري إن الرزق بس في ليبيا وإن عندك ناس وكذا لا لا ، الله عز وجل هو الرزاق وهو الذي يرزق الإنسان من حيث لا يحتسب ورزقنا لا مرهون ببلاد ولا بشخص ولا بأي شيء ، نتمنى رسالتي توصلك وتوصل لقلبك ، تحياتي ليك 🤍

لا حول ولا قوة الا بالله
التهمه تقيله بس تمنيت لو تعاملو معاها بطريقة أخرى و ما اطرتش تقعد سنة ونص على ذمة التحقيق وهي بريئة
لا حول ولا قوة الا بالله
وكلمة امشي الحيط الحيط وميجيك شي لا صحة لها
الدنيا فيها كل شي
ربي مايبلينا

بكتني هلبا 😭😭 فعلا ربي ما ينسى حد